Қазақстандық боксшы Мұхаммедсабыр Базарбайұлы Хабаровск қаласында өтіп жатқан Константин Коротковты еске алуға арналған беделді халықаралық турнирде сенімді жеңіске жетті, деп хабарлайды kingring.kz порталы Prosports.kz сайтына сілтеме жасап.
67 келіге дейінгі салмақ дәрежесінде өткен жекпе-жекте оның қарсыласы — Беларусь елінің чемпионы және жасөспірімдер арасындағы Еуропа чемпионатының қола жүлдегері Даниил Титько болды.
Жекпе-жектің алғашқы раундында орын алған екі нокдауннан кейін кездесу қазақстандық спортшының мерзімінен бұрын жеңісімен аяқталды.