АҚШ пен Палестина тумасы, жартылай орта салмақтағы (77 кг дейін) UFC чемпионы Белал Мұхаммед пен австралиялық файтер Джек Делла Маддалена UFC 315 турнирінің басты жекпе-жегінің алдында өткен көзтүйістіру кезінде ашуға бой алдырды.
36 жастағы Белал Мұхаммед кәсіпқой ММА мансабын 2012 жылы бастаған. UFC ұйымында алғашқы жекпе-жегін 2016 жылы өткізді. Қазіргі таңда оның рекорды – 24 жеңіс, 3 жеңіліс және 1 жекпе-жек нәтижесіз деп танылған.
Ал 28 жастағы Джек Делла Маддалена ММА-дағы кәсіби жолын 2016 жылы бастаған. UFC-де дебютін 2022 жылы өткізген. Бүгінгі таңда оның есебінде 17 жеңіс пен 2 жеңіліс бар.
UFC 315 турниріндегі бұл кездесу екі мықты спортшының титул жолындағы маңызды шайқасына айналмақ.