UFC ардагері әрі спорт сарапшысы Майкл Биспинг Илия Топурияның үш салмақ дәрежесінде чемпион атана алатынына сенімді. Ол Топурияның жеңіл салмақта Чарльз Оливейраны жеңіп, чемпион болатынын, одан кейін Ислам Махачевпен жекпе-жек өткізіп, жартылай орта салмақта да белбеу иеленуі мүмкін екенін айтты.
«Менің ойымша, Топурияның Чарльз Оливейрамен болатын жекпе-жекте жеңіске жету мүмкіндігі өте жоғары. Ол жеңіл салмақта чемпион болады. Егер Ислам Махачев Джек Делла Маддаленаны жеңіп, жартылай орта салмақта чемпион атанса, онда біз олардың арасындағы жекпе-жекті көреміз. Ислам мен Илияның кездесуі міндетті түрде болады. Илия үш салмақта чемпион атана алады», – деді Биспинг өзінің YouTube арнасында.
Илия Топурия қазіргі таңда UFC-дің жартылай жеңіл салмақтағы чемпионы. Оның болашағы зор, ал Биспингтің сөзінше, ол UFC тарихындағы ең ұлы спортшылардың біріне айналуы мүмкін.