UFC ұйымында жартылай орта салмақта өнер көрсететін, жеңіліс көрмеген қазақстандық спортшы Шавкат Рахмоновтың жаттықтырушысы Эдуард Базров шәкірті жайлы соңғы жаңалықтар
Оның айтуынша, Шавкат жаттығуларын қайта бастағанымен, әзірге толық көлемде емес.
– «Қазір біртіндеп бабымызды табуға кірістік, қалпымызға келіп, дайындықты жалғастырып жатырмыз», – деді Базров Betonmobile порталына берген сұхбатында.
Бұған дейін Рахмонов мамыр айында жартылай орта салмақтағы чемпиондық белбеу үшін Белал Мұхаммедпен жекпе-жекке шығуы керек болған. Алайда тізе жарақатына байланысты бұл кездесуден бас тартуға мәжбүр болды.
Шавкат октагонға 2025 жылдың соңына қарай қайта оралуды жоспарлап отыр деп хабарлайды sports24.kz сайты.