UFC жеңіл салмағының (70 келіге дейін) бұрынғы чемпионы, бразилиялық файтер Чарльз Оливейра алдағы қарсыласы жартылай жеңіл салмақта (66 келіге дейін) бұрын чемпион атанған испаниялық-грузиялық Илия Топурияға қатысты пікір білдірді.
«Илия бұрын жартылай жеңіл салмақта өнер көрсетті. Сондықтан ол жеңіл салмақтағыларды құрметтеуі тиіс. Менің соққым Илиядан ауыр бұл ақиқат, — деді Оливейра Championship Rounds парақшасына берген мәлімдемесінде (әлеуметтік желі X, бұрынғы Twitter).
35 жастағы Оливейра кәсіби мансабында 35 рет жеңіске жеткен, оның 31-і мерзімінен бұрын аяқталған. Бұған қоса, оның есебінде 10 жеңіліс және бір нәтиже жоқ деп танылған жекпе-жек бар.
Оливейра келесі жекпе-жегін 29 маусым күні Лас-Вегаста өтетін UFC 317 турнирінде Ілия Топурияға қарсы өткізеді.