Ансар Қасымжанов чемпиондық титулынан айырылды. Бобур Абдулазизов толыққанды чемпион атанды, деп хабарлайды kingring.kz порталы Sport+-қа сілтеме жасап.
Ұйым ресми түрде Ансар Қасымжановты чемпиондық белбеуден айырғанын жариялады. Бұған себеп — титулды қорғау мерзімдерін орындамауы. Бұл шешім чемпиондардың атағын уақытылы қорғауын талап ететін ережеге сәйкес қабылданды.
Осыған байланысты уақытша чемпион болып келген Бобур Абдулазизов автоматты түрде толыққанды чемпион мәртебесін алды. Енді ол өз салмақ дәрежесінде ресми чемпион болып есептеледі.