Таразда өткен бокс кешінің басты жекпе-жегінде Лукас чилилік Даниэла Асеньоны (17-5-3, 2 KO) жеңді. Асеньоның бұрышы алтыншы раундтан кейін жекпе-жекті жалғастырудан бас тартты (әйелдер арасындағы чемпиондық кездесулерде – 10 раунд, әр раунд 2 минуттан). Бұл жекпе-жек Лукас үшін өткен жылдың қазан айында Стамбулда Асеньодан алған жеңілісі үшін реванш болды. Ол кезде төрешілер бірауыздан чилилік спортшының жеңісін тіркеген еді. Асеньо кәсіби мансабында бес рет жеңілген, бірақ оған дейін ешқашан мерзімінен бұрын ұтылмаған. Енді Лукас есебінде – 15 жеңіс (8 нокаут), 1 жеңіліс. 28 жастағы Ангелина Лукас IBO чемпиондық белбеуін 2024 жылдың қазанында Бангкокта жеңіп алған болатын. Одан кейінгі үш кездесуде бұл белбеу сарапқа салынбаған. 34 жастағы Даниэла Асеньо IBO титулын 2022 жылы иеленген, алайда қорғаныс үшін қаржыландыру таба алмағандықтан, белбеуден айырылған. Лукасты жеңгеннен кейін Асеньо абсолютті әлем чемпионы атағы үшін жекпе-жекке шықты, бірақ 2024 жылдың тамызында Габриэла Фундорадан ұтылды. Айта кетейік, IBO белбеуі бокстағы беделділік жағынан бесінші орында саналады және WBA, WBC, WBO, IBF сынды басты ұйымдармен ресми түрде мойындалмайды. Дегенмен, бұл атақты ара-тұра атақты былғары қолғап шеберлері де иеленіп жатады — мысалы, Геннадий Головкин бұл белбеуді ұзақ уақыт бойы иеленген.
Ангелина Лукас екінші жеңіл салмақтағы IBO нұсқасы бойынша әлем чемпионы атағын сәтті қорғады
