UFC жеңіл салмақтағы рейтингінің бірінші нөмірі, Армения атынан шығатын Арман Царукян испан-грузин, бұрынғы UFC жартылай жеңіл салмақ чемпионы Илия Топурияның мәлімдемесіне жауап берді. Бұған дейін Матадор келесі қарсыласы ретінде Ахалкалакецті қарастырмайтынын айтқан еді.
«Чарльзға ештеңе болмасын деп дұға ет, себебі мен – жеңіл салмақтағы сен үшін ең қиын қарсылаумын. Сен мен жеңіп кеткен жігітпен титул үшін жекпе-жек өткізгелі жатырсың, ал менімен емес — бұл да жайдан-жай емес», – деп жазды Царукян әлеуметтік желідегі парақшасында.
Арман Царукян 28 жаста. Ресейлік спортшы UFC-де дебютін 2019 жылы өткізді. Соңғы жекпе-жегі 13 сәуірде АҚШ-тың Невада штатындағы Лас-Вегас қаласында өткен UFC 300 турнирінде болды. Ол кездесуде Ахалкалакец UFC-дің бұрынғы жеңіл салмақ чемпионы, бразилиялық Чарльз Оливейрамен октагонды бөлісті. Жекпе-жек толық үш раундқа созылып, төрешілердің бөлек шешімімен Арман жеңіске жетті.