27 мамыр күні Астанада Alash Pride FC 108 турнирі өтті. Аталған кеш аясында UFC-дің екі салмақ дәрежесіндегі бұрынғы чемпионы Генри Сехудо қазақстандық жанкүйерлердің сүйіктісі Кайрат Ахметовпен грэпплинг ережелері бойынша кездесіп, 8:5 есебімен жеңіске жетті.
Айта кетейік, Сехудо UFC ұйымындағы соңғы жекпе-жегін 2025 жылдың ақпан айында өткізіп, Қытай өкілі Сонг Ядонгқа төрешілердің техникалық шешімімен жеңілген болатын. Бұл – Сехудоның қатарынан үшінші жеңілісі.
Жалпы, Генри Сехудоның кәсіби мансабында 21 жекпе-жек бар: оның 16-сында жеңіске жетіп, 5 рет жеңілген. Ал Кайрат Ахметов 29 жекпе-жектің 27-сінде жеңіске жетіп, тек екі мәрте қарсыласына есе жіберген.