UFC жеңіл салмақ тұжырымдамасының экс-чемпионы Хабиб Нұрмагамедов жартылай орта салмақ дәрежесіндегі чемпиондық белдікке талас туралы өз пікірін білдірді, деп хабарлайды kingring.kz порталы.
Ресейлік 36 жастағы файтер қазіргі Белал Мұхамедтің чемпиондыққа жету жолындағы басты қарсыластарын атады. Оның сөзінше, американдық спортшының басты қарсыластары — Джек ДеллаМаддалена (17-2) мен қазақстандық Шавкат Рахмонов (19-0).
«Шавкат пен Маддалена керемет файтерлер. Екеуінің де Белалдың жолын кесе алатын қауқары бар. Бірақ, біз қалайша Белалды әлсіз деп айта аламыз? Оның соңғы рет қашан жеңілгені естеріңізде ме? Жоқ, әрине. Себебі, ол жеңісті сериясын жалғастырып келе жатыр. Сондықтан жоғары айтқан екі спортшы үшін Белал өте қиын қарсылас. Себебі, Мұхамед UFC-дегі шыдамдылығы мен төзімділігі ең жоғары жігіт», — деді Нұрмағомедов Адам Зубайраевқа берген сұхбатында.
Естеріңізге сала кетейік, Рахмонов өткен жылдың желтоқсан айында Мұхаммедпен чемпиондық белбеу үшін кездесу өткізуі керек еді. Алайда палестиналықтың жарақатына байланысты жекпе-жек кейінге шегерілді.