Хамзат Чимаев орта салмақтағы (84 келіге дейін) уақытша чемпиондық атақ үшін жекпе-жек өткізуді ұсынған бразилиялық Кайо Борральоның мәлімдемесіне пікір білдірді
— Егер біз 100 рет жекпе-жек өткізсек, сен бір де бір рет жеңе алмайсың. Мұны білетін біреу болса, бауырым, ол – сен, — деп жазды Чимаев әлеуметтік желіде.
— Келісімшартқа қол қой. Сонда көрерміз, — деп жауап берді Борральо.
Кайо Борральо — 32 жаста. Бразилиялық спортшы кәсіби аралас жекпе-жекте 2014 жылы дебют жасады, ал 2022 жылдан бастап UFC-де өнер көрсетіп келеді. Қазіргі таңда ол әлемдегі ең беделді ұйым саналатын UFC-де жеті жеңіске жетіп, бірде-бір жеңіліп көрмеген.