Халықаралық бокс федерациясы (IBF) аса ауыр салмақтағы әлем чемпионы, британдық Даниэль Дюбуаға (22-2, 21 KO) міндетті қарсыласын тағайындады.
Ол британдық ардагер Дерек Чисора (36-13, 23 KO). Екі боксшының командасына келіссөз жүргізу үшін 30 күн, яғни 22 мамырға дейін уақыт берілді.
Дерек Чисора 41 жаста. Британдық спортшы кәсіби рингте алғаш рет 2007 жылы жұдырықтасқан. 2012 жылдың ақпанында алғаш рет әлем чемпионаты белбеуі үшін жекпе-жек өткізіп, украиналық Виталий Кличкодан төрешілердің бір ауыздан шығарған шешімімен жеңілген. Ал 2022 жылдың желтоқсанында тағы да әлем чемпионы атануға тырысқанымен, бұл жолы да сәтсіз аяқталып, отандасы Тайсон Фьюриден техникалық нокаутпен жеңіліп қалды.