Prosports.kz мәлімдеуінше, Еуразиялық жекпе-жек лигасының белгілі OCTAGON 1XBET SELECTION 50 турнирінде жартылай орта салмақтың жеңімпазы анықталды, деп хабарлайды kingring.kz порталы.
Қазақстандық 23 жастағы дебютант Герман Ефремов сегізбұрыш алаңында 21 жастағы жерлесі Әбіл Еламанмен (1-0) кездескен болатын.
Жекпе-жектің алғашқы раунды тартысты әрі көз тартарлық болды – қос қарсылас бар күшін салды. Ал екінші бес минуттық раунд баяу қарқынмен басталып, оны Ефремов тиімді пайдаланды. Ол қарсыласының арқасын иеленіп, тұншықтыру әдісімен жеңіске жетті. Бұл – Германда кәсіби ММА-дегі алғашқы жеңісі.