Аты аңызға айналған америкалық боксшы Майк Тайсон Қазақстанда жекпе-жек өткізуі мүмкін. Бұл туралы «Alash Pride» лигасының президенті Әлімжан Бектаев мәлімдеді.
«Біздің жоспарымыз Майк Тайсон мен Фёдор Емельяненко арасындағы жекпе-жекті ұйымдастыру. Қазір бұл бағытта жұмыстар жүргізіліп жатыр. Бұл турнир желтоқсан айына белгіленген», — деді Әлімжан Бектаев Астанада өткен баспасөз мәслихатында.
Айта кетейік, Майк Тайсон 50 рет жеңіске жетіп, (44-і нокаутпен) 7 рет жеңілген. Өткен жылы Майк Тайсон Джейк Полға төрешілер шешімімен жеңілді.