UFC-дің жеңіл салмақ дәрежесіндегі рейтингісінде жетінші орында тұрған польшалық Матеуш Гамрот келесі жекпе-жегін словакиялық Людовит Клейнге қарсы өткізеді. Бұл кездесу 31 мамыр күні АҚШ-тың Невада штатындағы Лас-Вегас қаласында өтетін UFC on ESPN 68 турнирі аясында өтеді. Бұл туралы лиганың баспасөз қызметі хабарлады.
Польшалық спортшы 34 жаста. Кәсіби аралас жекпе-жек шебері ретінде Гамрот 2012 жылы XFS — Night of Champions турнирінде дебют жасаған. Ал UFC ұйымына Матеуш 2020 жылы қосылды.
Гамроттың рекордында 24 жеңіс бар, оның 13-ін ол уақытынан бұрын аяқтаған. Сонымен қатар оның еншісінде үш жеңіліс және бір тең нәтиже тіркелген. Соңғы жекпе-жегінде Матеуш төрешілердің бөлек шешімімен Жаңа Зеландия өкілі Дэн Хукерге жол берген.
Ал Клейннің рекордында 23 жеңіс, төрт жеңіліс және бір тең есеп бар. Людовит UFC-де 2020 жылы дебют жасаған.