Жеңіл салмақтың (70 кг дейін) бұрынғы UFC чемпионы, бразилиялық Чарльз Оливейраның менеджері Диего Лима қазіргі чемпион, ресейлік Ислам Махачевтің салмақ дәрежесін ауыстырып, чемпиондық атағын сақтап қала алмайтынын айтты.
«Махачев жоғары салмақ дәрежесіне өтсе не болады? Ол белбеуден айырылады. Топурия секілді. UFC оған таңдау жасауды ұсынып жатқан болар. Егер ол 77 кг салмақта жұдырықтасатын болса, уақытша чемпиондық белбеу енгізуге тура келеді. Бүкіл дивизионды тоқтатып қоюға болмайды. Бұл – ақылға қонымсыз нәрсе.
Егер спортшы салмағын ауыстырса, не белбеуден бас тартуы керек, не уақытша белбеу енгізу қажет. Егер спортшы не істерін ойланып жүрсе, уақытша чемпиондықты енгізу керек. Дивизион тоқтап қалмай, алға жылжуы тиіс», – деді Лима MMA Fighting басылымына берген сұхбатында.