Қазақстандық танымал файтер Шавкат Рахмонов ирландиялық спортшы Иэн Гэрримен бірге түскен суретін әлеуметтік желіде жариялады, деп хабарлайды kingring.kz порталы.
Рахмонов Instagram парақшасына ирландиялық файтерге қарсы жеңісті жекпе-жектен алынған кадр аясында түскен суретін әлеуметтік желіге жүктеді. Стористі қазақстандық танымал орындаушы Скриптониттің «Не расслабляйся» атты трегімен жариялады.
Бұған дейін Иэн Гэрри Рахмоновпен жекпе-жек кезіндегі тұншықтыру әдісі кезінде түскен сәттегі суретін жатын бөлмесіне іліп қойғанын айтқан болатын.
Еске сала кетсек, Шавкат Рахмонов пен Иэн Гэрри арасындағы жекпе-жек 2024 жылдың 8 желтоқсанында АҚШ-тың Лас-Вегас қаласында өткен UFC 310 турнирінде өтті. Аталған кездесуде қазақстандық спортшы төрешілердің бірауыздан қабылдаған шешімімен жеңіске жетті.
