Азия чемпионаты: Нұрәділ Әлжан 2 дүркін әлем чемпионатының жүлдегерінен басым түсті
Дзюдошы Нұрәділ Әлжан Бангкок қаласында өтіп жатқан Азия чемпионатының жартылай финалына жолдама алды.
Біздің спортшы ширек финалда тәжірибелі кәріс палуаны, әлем чемпионатының 2 дүркін қола жүлдегері, жазғы Азия ойындарының қола жүлдегері Ли Ха Римді жеңді.
Екі спортшы арасындағы белдесу (-60 кг) қосымша уақытқа (golden score) созылды. Онда Оңтүстік Корея өкілі отандасымыздың әдісіне қауқар таныта алмады.