АҚШ Президенті Дональд Трамп 2026 жылы АҚШ-тың Тәуелсіздік декларациясының 250 жылдығына арналған іс-шаралар аясында UFC турнирін Ақ үй аумағында өткізуді жоспарлап отырғанын мәлімдеді. Бұл туралы ол Айова штатындағы сөзінде айтты.
«Мен UFC жекпе-жегін де ұйымдастырғымыз келеді деп ойлаймын. Арамызда UFC-ді қарайтындар бар ма?» – деді Трамп жиналғандарға.
Ол сонымен қатар UFC президенті Дана Уайтпен келісім жайында айтып, чемпиондық жекпе-жек ұйымдастырылуы мүмкін екенін айтты. Президенттің айтуынша, Ақ үйдің аумағында 20–25 мың көрермен жиналуы ықтимал.
Алайда Трамп нақты кімнің қатысатынын және қай күні өтетінін нақтыламады.